Metavulkanske bergartar er dagbergartar som viser teikn på å ha gått gjennom metamorfose.[1] Med andre ord er steinen opphavleg blitt laga av ein vulkan, anten som lava eller tefra. Deretter blei han utsett for høgt trykk, temperatur eller begge delar, til dømes ved å dekkast av yngre stein, slik at den opphavlege vulkanske steinen rekrystalliserte.
Når det er mogleg å fastslå den opphavlege vulkanske steintypen frå eigenskapane til den metavulkanske steinen (særleg om graden av metamorfose er liten), blir steinen gjeven eit meir presist namn ved å leggja prefikset meta- til den opphavlege steintypen. Til dømes vil ein svakt metamorfosert basalt bli skildra som ein metabasalt, eller ein svakt metomorfosert tuff som ein metatuff.[2]
Metavulkansk stein er vanleg i grønsteinbelte.[3]